![](http://192.168.1.5:81/kocani/wp-content/uploads/2018/10/OpstinaKocaniSolunGradnaDuhovi1.jpg)
Како пред дваесетина години, Споменикот на слободата оживеа со актерите и публиката дојдена да ја проследи театарската претстава „Солун, град на духови“, во режија на Слободан Унковски.
![](http://192.168.1.5:81/kocani/wp-content/uploads/2018/10/OpstinaKocaniSolunGradnaDuhovi3.jpg)
Актерската екипа составена од Симона Димковска, Ивана Павлаковиќ, Наталија Теодосиева, Стефан Вујисиќ, Мартин Манев, Горан Ников и Владимир Петровиќ го прикажа Солун низ објективната хроника на животот и случувањата во текот на пет века: од турското освојување во 1430 година, па сè до депортацијата и холокаустот на 45.000 солунски Евреи во логорот Аушвиц.
![](http://192.168.1.5:81/kocani/wp-content/uploads/2018/10/OpstinaKocaniSolunGradnaDuhovi2.jpg)
Во многубројната публика на Споменикот на слободата во Кочани, беа и сопругата и ќерката на уметникот и автор на кочанскиот мозаичен монумент, Глигор Чемерски, Рајна и Елена Чемерски, кои заедно со Општина Кочани се едни од двигателите за заживување на овој простор како културна сцена.
![](http://192.168.1.5:81/kocani/wp-content/uploads/2018/10/OpstinaKocaniSolunGradnaDuhovi4.jpg)
Со таа цел, покрај театарската претстава „Солун, град на духови“, изминативе неколку дена на Споменикот на слободата беа реализирани и Freedom music festival, како и форумот на тема „Младинските перспективи за локален развој“.
Театарската претстава ја организираа Општина Кочани и Фондацијата „Фридрих Еберт“ – Скопје.