![](http://192.168.1.5:81/kocani/wp-content/uploads/2018/03/d30f8985cd20f0a62c19f1c066323d64.jpg)
В петок, на 24 ноември, со почеток во 12 ч. во Салата на Советот, Националната агенција за европски образовни програми и мобилност организира инфоден за презентација на активностите.
Пред заинтересираните ќе биде претставена програмата на Европската комисија во делот на образованието, обуката и младите, „Еразмус плус 2014-2020“, како и иницијативите на ЕУ, „Еуропас“ и „Евридика“. Исто така ќе бидат истакнати деталите од досегашните успешно спроведени проекти.
Преку имплементацијата на програмата „Еразмус плус“ во Република Македонија ќе се обезбеди огромна поддршка на образованието, обуката, младите и спортот. „Еразмус плус“ ќе придонесе кон надградба на институционалните капацитети како и личен и професионален развој на сите чинители во полето на образованието, обуката, младите и спортот.
![](http://192.168.1.5:81/kocani/wp-content/uploads/2018/03/3e14e123fea93c9a79b7e1f60dbd55b3.png)