Меѓународниот ден на Ромите 8 Април, вчера во просториите на Мултикултурниот центар во Кочани беше одбележан со богата програма. Освен Општина Кочани, во вчерашната програма учество зедоа и општините Штип и Виница.
Свои настапи имаа драмска секција од Штип, ученици од ЈОУДГ „Гоце Делчев“ и ОУ „Славчо Стојменски“ од Виница и ученици од ОУ „Никола Карев“-Кочани. Во склоп на вчерашната програма беше одржана и панел дискусија на тема „Политики и мерки за вработување за Роми на локално ниво“.
По повод чествување на 8 Април, Меѓународниот ден на Ромите, беше кренато знамето на Ромите на јарболот пред зградата на Општина Кочани.
