![](http://192.168.1.5:81/kocani/wp-content/uploads/2018/03/b7c20d00b88aaa2492269f89453190e5.jpg)
В понеделник, на 30 октомври со почеток од 20 часот на сцената во Национална установа Центар за култура „Бели мугри“ – Кочани ќе биде прикажана театарската претстава „Да го поздравиш и да ми го бациш“. Претставата е камерна и е со ограничен број на седишта, за публика над 16 години. Влезот е бесплатен.
„Да го поздравиш и да ми го бациш“ е документарна претстава, авторско дело на режисерката Билјана Радиноска и актерите Бојан Кирковски, Наташа Петровиќ, Ненад Митевски, Симона Спировска Костовска. Претставата ја раскажува приказната за растењето, за соништата за себеостварување и соочување со општествените механизми на функционирање.
Темите што се отвораат во претставата – уметноста во себе, надежите, стравовите, борбите за остварување на креативниот потенцијал, се од различните искуства на актерите и зборуваат за борбата за индивидуална слобода.
Претставата е во продукција на „Артропија“ од Скопје, продуцент е Филип Николовски.
![](http://192.168.1.5:81/kocani/wp-content/uploads/2018/03/597f4e0471d65c381fb950e8a9acc00b.jpg)