Градоначалникот на Општина Кочани Љупчо Папазов ја прими во официјална посета на Кочани амбасадорката на Соединетите Американски Држави, Кејт Мери Брнз.
По повод почетокот на проектот за реставрацијата и конзервација на Споменикот на слободата, Н.Е. Брнз се запозна со потенцијалите за развој и состојбите во Кочани.
Градоначалникот Папазов ги претстави локалните економските капацитети и услови за стопанисување, туризмот како стратешки правец за развој, како и образовните ресурси во Кочани.
Амбасадорката Брнз изрази задоволство од можноста непосредно да го запознае Кочани и најави натамошни контакти што ќе ја продлабочат досегашната соработка.
