На 13 јули, стотина планинари и вљубеници во природата учествуваа на планинарскиот марш до Раткова Скала.

Во организација на Планинарско-спортскиот клуб „Осогово“ од Кочани, учесниците на маршот појдоа од локалитетот Аеродром, пешачеа до обележана патека и се искачија на надморска висина од 1250 м. Патеката беше долга 12 км во двата правца.

На манастирот „Св. Василиј Велики“ организаторот приреди ручек и планинарска дружба.

Петровденскиот планинарски марш се организира по 18. пат како дел од општинската програма за одбележување на Петровден.