По повод Петровден, празникот на Кочани, градоначалникот Љупчо Папазов ги награди првенците на генерацијата и најуспешните ученици од основните и средните општински училишта од Кочани.
Првенците на генерацијата: Ана Станојева (ОУ „Никола Карев“), Моника Иванова (ОУ „Крсте Мисирков“ – Оризари), Јована Карова (ОУ „Св. Кирил и Методиј“), Јован Божинов (ОУ „Раде Кратовче“), Илијана Стојилкова (ОУ „Малина Попиванова“), Јана Филипова (ОМУ „Ристо Јуруков“), Јован Филипов (СОУ,,Гошо Викентиев“) и Андреј Здравев (СОУ „Љупчо Сантов“) ќе патуваат на летување на островот Паг во Хрватска.
Градоначалникот додели пофалници и награди на менторите и на екипите што постигнаа највисоки резултати на државните натпревари во 2023/24 г.
На училиштата што постигнаа значајни резултати на натпревари, Општина Кочани им додели статуетки.
