Врз основа на Договорот за соработка помеѓу Агенцијата за вработување на РСМ (АВРСМ), и Договорот за соработка Програмата за развој на Обединетите нации (УНДП) и општина КОЧАНИ, во рамките на Оперативниот план за активни програми и мерки за вработување и услуги на пазарот на трудот за 2022 година усвоен од Владата на Република Северна Македонија, Програмата Општинско – корисна работа финансирана од Буџетот на Агенцијата за вработување на РСМ, на ден 06.06.2022година се објавува:
ЈАВЕН ПОВИК до евидентирани невработени лица за вклучување во Програмата Општинско – корисна работа
Се повикуваат сите евидентираните невработени лица кои се заинтересирани да се вклучат во програмата Општинско-корисна работа, проект “„Придобивки” на Општина Кочани, за работно ангажирање со скратено работно време од 9 (девет) месеци заради стекнување на вештини и постепено вклучување на пазарот на труд, да се пријават во Агенција за вработување- Центар за вработување КОЧАНИ.
Евидентираните невранботени лица кои немаат сертификат/уверение признаен од релевантните институции за стекнати вештини/ компетенции за занимања од социјалната и здравствената сфера согласно услугата која треба да се испорачува ќе бидат вклучени во програмата при што 3 месеци ќе добијат задолжителна обука и 6 месеци работно ангажирање.
Вкупниот период на влученост на невработените лица преку програмата изнесува 9 месеци во кој влегува обуката и работниот ангажман.
Евидентираните невработени лица кои ќе бидат вклучени во Програмата „Општинско-корисна работа“ ќе бидат работно ангажирани со скратено работно време со 20 (дваесет) работни часови неделно, при што за време на задолжителната обука од 3 месеци за лицата кои не поседуваат соодветен сертификат/уверение признаен од релевантните институции за стекнати вештини/ компетенции за занимања од социјалната и здравствената сфера согласно услугата која треба да се испорачува и за време на работниот ангажман од 6 (шест)месеци/ 9(девет) месеци статусот на невработените лица останува непроменет, а на невработените лица-корисници на паричен надоместок и на корисници на право на Гарантирана минимална помош за времетраење на работно ангажирање ќе им биде активно претходно остварено право.
Право на учество во Програмата „Општинско-корисна работа“ имаат сите невработени лица, при што предност ќе имаат лицата кои за прв пат се јавуваат за учество во Програмата .
За кандидатите кои ќе бидат избрани и вклучени во Програмата Општинско-корисна работа се предвидува паричен надоместок во висина од 9.000,00 денари бруто износ за времетраењето на обуката и работното ангажирање, со вклучени данок на личен доход и осигурување за инвалидност и телесно оштетување причинето со повреда на работа и професионална болест.
Евидентираните невработени лица кои ќе се пријават за учество во Програмата Општинско-корисна работа треба да припаѓаат на една од следните целни групи невработени лица:
|
Х долгорочно невработени лица (над 12 месеци во евиденција, со предност на невработени лица над 5 години) Х млади лица до 29 години Х лица постари од 50 години Х невработени лица на кои им престанал работниот однос во периодот на Коронавирусот COVID -19 Х лица корисници на гарантирана минимална помош Х лица корисници на паричен надоместок по основ на невработеност Х лица кои имале статус на деца без родители и родителска грижа Х жртви на семејно насилство |
Х лица со попреченост Х жени припадници на ромската етничка заедница и на останатите етничките заедници Хлица припадници на ромската етничка заедница Х лица на кои им е решен статусот со лична документација Х самохрани родители Х родители на деца со пречки во развојот Х родители на 3 и повеќе деца Х родители на деца на улица Х бездомни лица Х лица со незавршено средно или пониско образование |
Работните позиции кои се опфатени со овој оглас се однесуваат на ангажирање на :
- 3 (три) образовни асистенти во средно образование, (ВСС – педагог, психолог, социјален работник, социолог, наставник во одделенеска и наставник во предметна настава)
- 5 (пет) негуватели на деца во градинка, (со завршено ССС со заврпшен гимназиски смер, музичко образование , ликовно образование или медицина);
- 6 (шест) лични асистенти – за лица со попреченост- (со завршена ССС)
- 2 (две) лица како дел од тим за психосоцијална поддршка и (со завршено ВСС, еден психолог и еден социјален работник)
- 2 (две) лица даватели на услуги во Центарот за донации (ССС/основно)
Заинтресираните невработени лица Пријави за учество во Програмата „Општинско-корисна работа“ можат да поднесат во Агенција за вработување- Центар за вработување КОЧАНИ во периодот од 06.06.2022 година до 13.06.2022 година, од 08:00 до 14:00 часот.
Поконкретните услови, права и обврски ќе бидат уредени со склучување на Договор помеѓу општина КОЧАНИ и избраните кандидати.
Детални информации за Програмата „Општинско-корисна работа“ можат да се добијат во општина КОЧАНИ кај лицето Аника Илијевска Ѓорѓиева, Општински координатор за Програмата „Општинско-корисна работа“, Агенција за вработување- Центар за вработување Кочани, кај лицето Ацо Серафимов, директор на ЦВ Кочани Центар за социјлна работа Кочани и кај лицето Зага Андонова,социјален работник .
