Општина Кочани отуѓува шест парцели државно градежно земјиште

Општина Кочани ја распиша 41. објава за отуѓување градежно земјиште во државна сопственост, со која се ставени на продажба шест градежни парцели, од кои пет се со намена индивидуално домување и една за хотелски комплекс.

Две од парцелите за индивидуално домување се наоѓаат на улицата „Пиринска“,  и по една на улиците „Боро Ефремов“, „Кирил и Методиј“ и „Боро Ловџија“. Површините на парцелите се движат од 173 м²  до 438 м².

Парцелата за хотелски комплекс се наоѓа на улицата „Лазар Андонов“ и е со површина од 12 058 м².

Рокот за пријавување за учество во електронското јавно наддавање  за парцелите за  домување е до 12 август 2026 г., а јавното наддавање ќе се одржи на 14 август, со почеток од 8 ч.

Почетната цена за градежните парцели за индивидуално домување е 61 денар за квадратен метар.

Рокот за пријавување за учество во електронското јавно наддавање за парцелата за хотелски комплекс е до 31 август 2026 г., а јавното наддавање ќе се одржи на 2 септември, со почеток од 8:30 ч.

Почетната цена за парцелата за хотелски комплекс е 583 денари за квадратен метар.

Целосната објава за продажба на градежното земјиште во државна сопственост е поставена на огласната табла во дворот на општинската зграда и е објавена на веб-страницата на Општина Кочани, www.kocani.gov.mk.