59. издание на Драмскиот аматерски фестивал којшто започна на 23.05.2022 и се одржува во Градскиот Парк пред широката кочанска публика, секојдневно се збогатува со најразлични содржини.
На свеченото отворање по поздравниот говор на Кристина Атанасова Арсова, претседателка на Управниот одбор на ДАФ и официјалното отворање кое го прогласи градоначалникот Љупчо Папазов, започнаа секојдневните прикажувања на драми кои ќе бидат дел од овогодинешната програма на ДАФ.
Во склоп на целокупната програма, денеска започнува Летен карван на книгата на МАИ, којшто ќе се одржи од 25 до 29 мај, секој ден од 10 до 20 часот.
