Шест месеци по трагедијата во „Пулс“, тагата останува, болката не стивнува.
Прекинатата младост, изгубените животи, одземените ближни, ни создаваат уште поголема огорченост од системот кој со години дозволува корупцијата и криминалот да бидат посилни од законот и институциите.
Оваа трагедија е резултат на нефункционалност, неказнивост и небрежност. Граѓаните имаат право на безбедност, на одговорни институции и на еднаквост пред законот.
Имаме историска шанса коренито да ги смениме состојбите, да придонесеме за побезбедно и поправедно општество. Должни сме да градиме држава во која владеењето на правото е реалност, а не празна фраза. Тоа е најмалку што им го должиме на жртвите и на идните генерации.
Нека почиваат во мир нашите незаборавни!
Венко Крстевски,
в. д. градоначалник на Општина Кочани
