Советот на Општина Кочани ја одржа првата конститутивна седница на која претседаваше највозрасниот член Петар Медарски.
На седницата беа верификувани мандатите на членовите на Советот на Општина Кочани, а новоизбраните членови на Советот свечено изјавија дека правата и должностите ќе ги вршат совесно притоа почитувајќи ги Уставот, законите и прописите на Советот.
Со 12 гласа „за“ за претседател на Советот на Општина Кочани беше избран Александар Андов.
Советот на Општина Кочани донесе решенија за формирање: Комисија за комунални работи, планирање и уредување на просторот и заштита на животната средина и природата; Комисија за култура, образование и спорт и права на децата; Комисија за земјоделие; Комисија за месна самоуправа и граѓански иницијативи; Комисија за здравство и социјална заштита; Комисија за статут и прописи; Комисија за прекугранична соработка; Комисија за финансии и буџет и локален економски развој; Комисија за сообраќај, јавна безбедност и противпожарна заштита и Комисија за еднакви можности на жените и мажите, а беше донесено решение за определување членови на Советот на Општина Кочани кои ќе учествуваат при склучување бракови.
