Надлежните служби од Општина Кочани денеска ја започнаа пролетната акција за озеленување на јавните површини.
Во разделното зеленило на улицата „Тодосија Паунов“, на улиците „Страшо Ербапче“, во паркот во населбата Калиманова Глава и на десетина други локации во градот се насадија 40 садници од јасен, јавор, индиски јоргован и црвена слива.
Во рамките на активностите за озеленување на јавните површини е и обновувањето на оштетените односно искршените фидани, кои според податоците на Општина Кочани изнесуваат околу 10 % од вкупните насади од претходната сезона.
Комуналните инспекциски служби од Општина Кочани апелираат за совесно и одговорно однесување кон новите садници, дрвјата и воопшто кон зелените површини.
