Викендов на потпорниот ѕид на паркингот кај Споменикот на слободата во Кочани, млади артисти од Кочани, Куманово и Скопје изработуваа графити.
Настанот насловен „Графити фест 2024“ беше во организација на „Act Different“ и Здружението за ликовна уметност „Форма“ – Куманово, а со поддршка од Програмата за култура на Општина Кочани.
Преку овој настан што ја промовира уличната уметност и со делата изработени од младите уметници, овој дел од градот прерасна во убаво уметничко и модерно место.
