Градоначалник на Општина Кочани

д-р Владко Грозданов, градоначалник на Општина Кочани

Роден е во Кочани, каде што растел и завршил основно и средно образование.

Дипломирал на Медицинскиот факултет, на Трaкискиот универзитет во Стара Загора, Република Бугарија. Специјализирал гинекологија и акушерство на Универзитетот „Гоце Делчев“ во Штип. Дополнително се усовршувал во областа на гинекологијата и акушерството во Словенија, Бугарија и во Германија.

Како лекар има повеќе од 20 години искуство во медицината и во гинекологијата и акушерството.

Член е на Лекарската комора на Македонија, Балканското лекарско друштво и на Здружението на гинеколози и акушери.

Зборува англиски јазик.

КОИ СЕ НАДЛЕЖНОСТИТЕ НА ГРАДОНАЧАЛНИКОТ?

• • Ја претставува и ја застапува општината;
  • Ја контролира законитоста на прописите на советот;
  • Ги објавува прописите на советот во службеното гласило на општината;
  • Го обезбедува извршувањето на одлуките на советот;
  • Го обезбедува извршувањето на работите коишто со закон се делегирани на општината;
  • Иницира и предлага донесување на прописи од надлежност на совет;
  • Го предлага годишниот буџет и годишната сметка на буџетот на општината;
  • Го извршува буџетот на општината;
  • Избира директори на јавните  служби кои ги основала општината, врз основа на јавен конкурс;
  • Редовно го известува советот за извршувањето на своите надлежности во согласност со статутот;
  • Решава во управни работи за права, обврски и интереси на правни и физички лица, во согласност со закон;
  • Донесува правилник за систематизација на работните места на општинската администрација;
  • Раководи со општинската администрација;
  • Одлучува за вработувањето, правата, должностите и одговорностите на вработените во општинската администрација, доколку поинаку не е определено со закон;
  • Обезбедува правилно и законито користење, одржување и заштита на сопственоста на општината, во согласност со закон и статутот;
  • Врши други работи утврдени со закон и со статутот.

Градоначалникот може да овласти раководен службеник на општината да ја води постапката и да решава во управни работи, како и да потпишува акти.

Линк до анкетниот лист објавен од Агенцијата за спречување на корупција и судир на интереси.