![](http://192.168.1.5:81/kocani/wp-content/uploads/2018/03/4ef19a7e69d1d2e68001bd8ca8742314.jpg)
В четврток, на 14 декември, Општина Кочани, во соработка со ресторанот „Пролет“, ИМД продукција и повеќе здруженија, организира голем хуманитарен концерт. Парите од концертот ќе бидат наменети за лекување на Методи Митев.
На концертот ќе настапат повеќе познати музички имиња: Даниел Кајмакоски, Ален Хасановиќ, Јордан Митев, Благоја Грујоски, Марјан Коцев, Филип Божиновски, Елена Петреска, Драгана Јорданова. Водителка ќе биде Елена Спанџарска.
– Ги повикуваме граѓаните да купат влезници, да дојдат на концертот и сите заедно да му помогнеме на Методи Митев да ги собере потребните средства и да ја надмине сегашната состојба на инвалидитет – повика Аника Илијевска Ѓорѓиева од Одделението за јавни дејности од Општина Кочани.
Концертот ќе се одржи во Спортската сала кај СОУ „Љупчо Сантов“, со почеток од 20 ч.
![](http://192.168.1.5:81/kocani/wp-content/uploads/2018/03/99a246c3ae6cad5312f7f3a6c3984118.jpg)
![](http://192.168.1.5:81/kocani/wp-content/uploads/2018/03/a7be14722cf45ef738775a1a70f891ef.jpg)