Општина Кочани со поддршка од Општинската организација на Црвен крст – Кочани, оддаде почит на загинатите млади родум од Кочани, Оризари, Зрновци и Чешиново-Облешево, како и на возачот на Итната медицинска помош во Кочани, кој почина непосредно по извршувањето на работните обврски поврзани со трагедијата од 16 март 2025 г.
Во полната сала, низ стихови, фотографии и сеќавања на најблиските на загинатите беше искажана длабока почит и сочувство за огромната загуба. На присутните им се обрати претседателот на Друштвото на писатели на Македонија Живко Грозданоски, кој со цитати од книжевници говореше за смртта на ближните и животот на живите по неа. Настанот го водеше актерката Наталија Теодосиева.
Младинци, блиски на покојните пуштија 63 бели балони со имиња на сите загинати во пожарот во „Пулс“.
