На 24 и 25 октомври во Паркот на Револуцијата во Кочани се одржа традиционалната манифестација „Денови на медот“, која по 29. пат ги обедини пчеларите и љубителите на медот и пчелните производи.
Во организација на Пчеларското здружение „Матица“ од Кочани, своите производи ги претставија излагачи од Пробиштип, Велес, Кавадарци, Кочани и други места во земјата. Меѓу присутните на манифестацијата беше и градоначалникот на Општина Кочани, Владко Грозданов, кој со своето присуство даде поддршка на пчеларите и на нивната работа.
Посетителите имаа можност да се запознаат со понудата и непосредно од производителите да дознаат повеќе за медот и останатите пчелни производи.
