На 14 ноември, на повеќе улици во Кочани се изврши санација на ударните дупки со топла асфалтна маса. Работите ги изведе фирмата „Стоименов“, со цел да се подобрат условите за движење и зголемување на безбедноста во сообраќајот.
По препорака на градоначалникот Владко Грозданов, активностите се изведуваат во сабота, кога сообраќајот е со помал интензитет, за да се избегне создавање сообраќаен метеж и да се овозможи непречено извршување на работите.
Санацијата ќе продолжи со асфалтирање на преостанатите подготвени површини.
Општина Кочани упатува апел до возачите за внимателно движење на местата каде што се изведуваат работите и им благодари на сите учесници во сообраќајот за трпението и разбирањето.