Денеска, Градскиот парк во Кочани беше центар на креативноста и младинскиот дух, каде што локалните училишта свечено го одбележаа мај – месецот на Европската Унија.
На сцената на Центарот за култура „Бели мугри“, учениците приредија музичко-ритмички настапи кои ја пренесоа енергијата на европското заедништво. Преку креативно уредени штандови, беа претставени културните обележја, традициите и симболите на седум земји членки на ЕУ: Белгија, Португалија, Франција, Германија, Италија, Австрија и Словенија.
Настанот што го организира Општина Кочани во соработка со Министерството за европски прашања има за цел на локално ниво да ги промовира европските вредности, можности и придобивки од европската интеграција.
