Untitled Document
kocani.gov.mk
wikipedia
Untitled Document
Вести
Средба со стручни лица за решавање на сообраќајниот метеж во централното градско подрачје во Кочани
Со поддршка од стручни служби од Министерството за внатрешни работи во Скопје, а во соработка со Полициската станица во Кочани и надлежните за безбедност во сообраќајот, денеска во Општина Кочани се одржа работен состанок за решавање на сообраќајниот метеж во централното градско подарчје на Кочани.

На состанокот беа изнесени различни мислења и ставови за решавање на проблемот.

– Затекнавме лоша сообраќајна слика во центарот на градот. На еден простор имате повеќе вида паркирање. Паркирањето и добриот проток на сообраќајот не одат заедно. Сепак, квази-решенија не треба да се бараат. Потребно е снимање на теренот, солидна анализа и решение – советуваа стручните лица од МВР.

– Трајното решение на сообраќајниот хаос е поврзано со решавањето на паркирањето. Општ заклучок е дека проблемот е во паркирањето на улиците. Тоа значи дека треба да најдеме решение за потребите за паркирање, а со тоа да овозможиме и непречено движење на возилата во централното градско подрачје – соопшти градоначалникот на Кочани, Николчо Илијев.

Според Илијев, постапката не е едноставна, но проблемот не е безнадежен, и во следните неколку денови ќе се сублимираат сите идеи и предлог-решенија, а потоа ќе се избере и проектантска куќа која ќе направи анализа на состојбата.

На прашањето за изнаоѓање некое привремено решение, градоначалникот истакна дека секое ад хок решение ќе прави дополнителен проблем и само ќе го пренасочи проблемот на друга сообраќајна точка. Илијев побара трпение од граѓаните за да можат стручните служби да дадат мислења, а по изготвената студија, да се донесе конечна одлука.
Untitled Document
Локалитети